2021 жылғы 1қыркүйек Мемлекет басшысы Қасым -Жомарт Тоқаевтың Қазақстан халқына Жолдауы

2021 жылғы 1қыркүйек Мемлекет басшысы Қасым -Жомарт Тоқаевтың Қазақстан халқына Жолдауы жарияланды. " Халық бірлігі және жүйелі реформалар -ел өркендеуінің берік негізі" атты Президент Жолдауын А.С.Пушкин мектеп ұжымы арасында негізгі тұстары талқыланып, түсіндіру жұмыстары жүргізілді.Жолдаудың оқу жылының басталуымен қатар келуі, халқымыздың, әсіресе ұстаздардың ерекше назарын аударды. Жолдауда елдің алдағы әлеуметтік -экономикалық дамуының басым бағыттары туралы айтылды.
Ел Президенті білім -ғылым саласында еңбек етіп жүрген азаматтардың қызметіндегі өзгерістер мен жаңалықтарды айтып өтті. "Қандай заман, қай қоғам болмасын білім алуды ешқашан шетке ысырып қойған емес.Қазіргі қоғам білімді жастардың қоғамы"-деп келе Ел Президенті өз жолдауындағы бесінші мәселе ретінде білім беру саласына тоқталып өтті.
Мектептегі оқу -тәрбие жұмыстарын қазіргі пандемиялық жағдайларды ескере отырып жүргізу және ұстаздардың еңбек ақысын өсіру жайлы да айтылды.
Ел азаматтарын , отанымыздың алдында адал қызмет етуге, абыройлы іс жасауға , терең білім алып, ерінбей еңбек етуге шақырды. Біз еліміздің дамуы мен жаңаруы жолында күш жігерімізді сала отырып, еңбек ету біздің басты парызымыз деп санаймыз.